“Sog‘lom oila – sog‘lom jamiyat” 

Xalq deputatlari
Farg‘ona tuman Kengashining “Yoshlar siyosati, xotin-qizlar va gender tenglik
masalalari bo‘yicha” doimiy komissiya raisi Ozodaxon Dadajonova va tuman
hokimini o‘rinbosari, oila va xotin-qizlar bo‘limi boshlig‘i Xamidaxon
Abdug‘aniyevalarning tashabbusi bilan tumandagi mahallalarda xotin-qizlar
ishtirokida “Sog‘lom oila – sog‘lom jamiyat” loyihasi doirasida targ‘ibot
tadbirlari o‘tkazilmoqda. 

Mana shunday
tadbirlardan biri tumanning Kaptarxona va Mehnatobod MFYlar hududida
o‘tkazilib, unda tuman Kengashi deputati O.Dadajonova, mazkur mahallalarga
biriktirilgan shifokor-hamshiralar va ishchi guruh a’zolari bilan:  

• sog‘lom-turmush tarziga amal qilish;  

• reproduktiv salomatlik;  

• oila institutini rivojlantirish va yoshlarni
oilaviy hayotga tayyorlash mavzularida davra suhbati o‘tkazildi. 

Yuqoridagi
masalalarning har biri bugungi kunda har doimgidanda dolzarb ekanligi, ularga
amal qilish orqaligina oilada sog‘lik, xotirjamlik va baraka bo‘lishligini bu
esa o‘z navbatida nafaqat oilamiz balki Jonajon vatanimiz ravnaqiga ta’sir
qilishligini, “Sog‘lom oila – sog‘lom jamiyat” ekanligi haqida qizlarjonlar-u
onajonlarga, yosh kelin-u qaynonalarga tushintirildi. 

Yig‘ilish
yakunida ishtirkchilar tomonidan berilgan savollarga javob berilib, qo‘shimcha
tushuncha va tavsiyalar berildi.