Айни кунларда Халқ депутатлари Шаҳрихон тумани Кенгаши Котибияти мажлислар залида Кенгашнинг навбатдаги 43-сессияси олдидан туман Кенгашидаги доимий комиссиялар раислари, депутатлари ҳамда туман ҳоким ўринбосарлари, корхона, ташкилот ва муассасалар раҳбарлари иштирокида ҳисобот йиғилишлари ўтказилмоқда.

Жорий йилнинг 1-ярми якунларига бағишланган йиғилишларда ҳар бир соҳа мутасадди раҳбарларининг ўтган давр мобайнида амалга оширилган ишлар юзасидан ҳисобот маърузалари тингланиб, атрофлича муҳокама қилинмоқда.

Жумладан, кеча ва бугун депутатларнинг фаоллиги билан ўтказилган йиғилишларда туман ҳокими ўринбосарлари ва корхона, ташкилотлар раҳбарлари томонидан берилган ҳисоботлар чуқур таҳлил қилиниб, амалга оширилган ишларга холисона баҳо берилди. Соҳада йўл қўйилган хато ва камчиликлар эса рўй-рост танқид остига олиб ўтилди ҳамда уларни бартараф этиш юзасидан чора-тадбирлар белгилаб олинди.

Йиғилишларда аҳолига ижтимоий ва тиббий хизмат кўрсатиш даражасини янада юксалтириш, шунингдек, коммунал хизматлар кўрсатиш сифат ва самарадорлигини ошириш каби масалалар барчанинг диққат марказида бўлди.

       Шунингдек, йиғилишларда депутатлар томонидан берилган саволларга масъул раҳбарлар тўлақонли жавоб бердилар.