#tavsiyalar_asosida

Xalq deputatlari Kogon shahar Kengashi raisi A. Yangiyev, Kengash kotibiyati mudiri Sh. Isamutdinov, mutaxassislar I. Ikromov va Z. Temirova tomonidan Vatanparvar mahallasida ijtimoiy xodim faoliyati o‘rganildi.

O‘rganish jarayonida ijtimoiy xodimning aholiga ko‘rsatayotgan xizmatlari, murojaatlar bilan ishlash samaradorligi hamda mahalla kesimida ijtimoiy himoyaga muhtoj fuqarolar bilan olib borilayotgan ishlar holati atroflicha tahlil qilindi. Shuningdek, davlat tomonidan ijtimoiy himoya yo‘nalishida yaratilgan sharoitlar, jumladan ehtiyojmand oilalarni qo‘llab-quvvatlash, ijtimoiy nafaqalar va moddiy yordamlarni tayinlash, nogironligi bo‘lgan shaxslarni qo‘llab-quvvatlash, yolg‘iz keksalar va ijtimoiy himoyaga muhtoj qatlamlarga uy-joy, sog‘liqni saqlash hamda bandlik yo‘nalishlarida imtiyoz va yengilliklar yaratish, shuningdek kommunal xizmatlar bo‘yicha ayrim toifalarga belgilangan imtiyozlar kabi chora-tadbirlar ham ko‘rib chiqildi.

Bundan tashqari, O‘zbekiston Respublikasi Ijtimoiy himoya milliy agentligi tomonidan aholiga ko‘rsatilayotgan xizmatlar — ijtimoiy reyestr orqali ehtiyojmand oilalarni aniqlash va qo‘llab-quvvatlash, ijtimoiy xizmatlar paketini taqdim etish, nogironligi bo‘lgan shaxslar uchun reabilitatsiya va protez-ortopediya xizmatlari, yakka yolg‘iz keksalarga ijtimoiy yordam ko‘rsatish, bandlikka ko‘maklashish, psixologik va huquqiy maslahat xizmatlari hamda elektron murojaatlar asosida tezkor yordam ko‘rsatish tizimi ham batafsil o‘rganildi. 

“Deputat — xalq ovozi, uning har bir tashabbusi esa jamiyat taraqqiyotiga xizmat qiladigan mustahkam ko‘prikdir.”

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)