Bugun, Xalq deputatlari Chinoz tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi majlisi bo‘lib o‘tdi.

Majlis kun tartibiga kiritilgan masalalar yuzasidan Chinoz tumani Iqtisodiyot va moliya bo‘limining o'rinbosari S.Babasaidovning hisoboti, Tuman “Inson” ijtimoiy xizmatlar markazi direktori Sh.Ruzi-Qoriyevning hisoboti, tuman Qurilish va uy-joy kommunal xo‘jaligi bo‘limi bosh mutaxassisi I.Bektoshevning hisoboti, doimiy komissiya raislari hamda tegishli bo‘lim va tashkilotlar rahbarlarining axborot va hisobotlari eshitildi.

Majlis kun tartibidagi masalalar muhokamasida deputatlar O.Dadajonov, A.Baxramov, E.Saidovlar so‘zga chiqib, o‘zlarining savol, taklif va fikr-mulohazalarini bildirib o‘tdilar.

Majlis yakunida kun tartibidagi masalalar bo‘yicha bildirilgan takliflar va fikr-mulohazalarni inobatga olib, Xalq deputatlari Chinoz tumani Kengashining navbatdagi yigirma yettinchi sessiyasi kun tartibiga kiritish to‘g‘risida xulosa qilindi hamda tegishli qarorlar qabul qilindi.

Elyorjon Saidov

Doimiy komissiya a’zosi