Бухородан тараладиган нур дунёга маёқдир. Зеро машойихларимизнинг "Бухорога келар бўлсанг, этигингни ечиб кир" деганларининг ўзи ҳам бу юртнинг не-не алломаларга бешик бўлганига, табаррук заминлигига ишорадир. 

      Муҳтарам Президентимиз ҳам ҳар галгидек бу диёрга ташрифларини буюк пиримиз Баҳоуддин Нақшбанд зиёратидан бошлаганлари замирида катта маъно мужассам! 

     Президентимизнинг Бухорога ташрифлари,вилоятда камбағаллик, ишсизлик, жиноятдан холи ҳудудга айлантириш борасидаги устивор вазифаларни белгилаб беришларида муҳим бир омил ҳам бўлди. 

   Икки миллиарддан ортиқ бухороликларнинг турмушини яхшилаш, даромадларини ошириш масаласи Юртбоши қалбини жунбушга солган вазифалардан эди. 

     Аслида бухороликлар Президентимиз олиб бораётган одилона сиёсат раҳнамолигида вилоятда ўзига хос мактаб ярата олганлар. Юртбошининг ташрифи, халқ билан мулоқоти ўша мактаб яратган тажрибаларни кучайтирмоқ учун чорлов бўлди. 

     Мен Ромитан туманидаги 8-Боғча сайлов округидан туман Кенгашига сайланган депутатман. Сайловчиларим тушунчалари доираси кенг. Улар аллақачон фақат яратиш, ҳалол меҳнат билангина муваффақиятларга эришиш мумкинлигини тушуниб етишган. Ҳар бир қишлоқда, оилада тадбиркорлик, яратиш ишқи ҳукмрон. 

    Бухорода, жумладан Ромитанда ерларимиз шўрлиги боис мўл ҳосил олиш, деҳқончилик қилиш ўта машаққат, кўп меҳнат талаб этади. Саноатни ривожлантириш, чет эл инвеститциясини олиб кириш, туризмни ривожлантириш орқали ҳам халқ турмуш фаравонлигини ошириш мумкин. 

     Шу боис ички туризмни ривожлантириш учун саъй- ҳаракатлар бошланганига анча бўлди. 

    Икки пир--Хўжа Али Ромитаний, Бобои Самоссийлар мангу қўним топган манзилларнинг обод этилиши, замонавий меҳмонхона,бошқа биноларнинг қурилгани, шарт-шароитларнинг яратилиши сайёҳлар оқимини кўпайишига сабаб бўлмоқда. Шу манзилларда сайёҳларга хизмат кўрсатиш, маҳаллий маҳсулотлар кўргазмалари ташкил этилмоқда. 

    Шунингдек Ромитанда марказий шаҳарларникидан қолишмайдиган Сайлгоҳнинг ташкил этилгани, туман белбоғига монанд Зарафшон дарёси ёқалаб тадбиркорлик субектларини фаолият бошлагани ҳам келгувчиларни қизиқтирмоқда. Улар гўё Ромитаннинг ташриф қоғозидир. 

     Туманимиз ҳокими Умеджон Барноевнинг ташаббуси билан қадимий Бўронтепа массивида, чўл этагида бунёд этилган афсонавий шаҳарча дунёни чорламоқда. Тарих сўзлайди бунда. Бу жой ҳақида китоблар нашр этилди.

   Давлатимиз раҳбарининг вилоятда туризмни ривожлантириш орқали хориж сармоясини олиб кириш ҳақида айтган сўзлари айни муддао бўлиб, бу соҳадаги ишларимизни тағин ҳам кўпайтиришимизга ундаб юборди. 

    Хулоса қилиб айтадиган бўлсак, юртбошимизнинг икки кунлик Бухорога ташрифлари олам-олам ҳаяжон, яхши кунларга умид, кўнгилларимизда ишонч дарвозаларининг очилишига имкон бўлди! 

          Махфират АТОЕВА.