Senat Kengashi qaror ijrosi yuzasidan “Oqjar” mahallasida nazorat o‘rganishlari o‘tkazildi

O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy kengashlar deputatlari va senatorlarning «mahalla yettiligi» bilan o‘zaro hamkorligini yanada kuchaytirish chora-tadbirlari to‘g‘risida”gi qarori ijrosini ta’minlash maqsadida joylarda deputatlar tomonidan manzilli nazorat tadbirlari amalga oshirilmoqda.

Mazkur qarorda belgilangan vazifalar — mahalla yettiligi faoliyatini muvofiqlashtirish, aholi murojaatlarini joyida va tizimli hal etish, bandlik, ijtimoiy himoya, huquqbuzarliklar profilaktikasi hamda yoshlar masalalarida deputatlar va senatorlarning hamkorligini kuchaytirish — amaliyotda ta’minlanmoqda.

Qaror ijrosi doirasida Xalq deputatlari Surxondaryo viloyati Kengashi deputati — Qiziriq tumani Kengashi raisi — Xudoyqulova Jamila Ziyayevna tuman Kengashi deputatlari Donayev Jahongir Davronovich hamda Juraqulova Mukarram Boyqobilovnalar bilan birgalikda tumandagi “Oqjar” mahallasida bo‘lib, mahalla yettiligi faoliyatini joyida o‘rgandi.

O‘rganish jarayonida mahalla yettiligi a’zolarining o‘zaro hamkorligi, aholi bilan ishlash mexanizmlari, murojaatlarni ko‘rib chiqish tartibi hamda aniqlangan muammolarni hal etish bo‘yicha ko‘rilayotgan chora-tadbirlar muhokama qilindi. Qarorda belgilangan talablar asosida faoliyat samaradorligini oshirish yuzasidan aniq tavsiyalar berildi.

Aniqlangan masalalar bo‘yicha mas’ul tashkilotlarga topshiriqlar berilib, ijrosi deputatlar tomonidan doimiy nazoratga olindi. Ushbu nazorat tadbirlari KQ-35-V-sonli qaror talablarining joylarda to‘laqonli va samarali ijro etilishini ta’minlashga xizmat qiladi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)