Xalq deputatlari Toyloq tuman Kengashining 2-Qo‘rg‘oncha saylov okrugidan saylangan deputati Kasimova Kamola Smatullayevna tomonidan Muborak mahalla fuqarolar yig‘inida o‘tkazilgan uchrashuv va sayyor qabul davomida fuqarolardan ichimlik suvi ta’minoti bilan bog‘liq qator murojaatlar kelib tushdi.

O‘rganishlar davomida ayrim xonadonlar markazlashgan ichimlik suvi tarmog‘iga ulanmagani sababli aholi asosan uy quduqlaridan foydalanib kelayotgani hamda iste’mol qilinayotgan ichimlik suvi sifati talab darajasida emasligi aniqlandi.

Mazkur muammolarni bartaraf etish maqsadida hududda qo‘shimcha suv inshooti barpo etish hamda ichimlik suvi tarmog‘ini kengaytirish yuzasidan “Samarqandsuvta’minoti” MCHJ Toyloq tuman filiali boshlig‘i A.E.Shukurovga deputatlik so‘rovi yuborildi.
✅Bizni kuzatib boring:👇
|📲 Telegram | 💻Facebook