Xalq deputatlari Sardoba tumani Kengashi kotibiyati mudiri tomonidan tasdiqlangan 13-may kungi ish rejasi ijrosi yuzasidan Xalq deputatlari Sardoba tumani Kengashi deputatlari B.Bekmurodov va J.Umarovlar tomonidan Quyitosh mahallasi fuqarolari bilan ochiq uchrashuv tashkil etildi. Uchrashuv davomida aholini qiynab kelayotgan ijtimoiy-maishiy muammolar, hudud infratuzilmasini yaxshilash, bandlik, kommunal xizmatlar sifati hamda boshqa dolzarb masalalar yuzasidan fuqarolarning taklif va murojaatlari tinglandi. Deputatlar tomonidan har bir murojaat alohida o‘rganilib, mavjud muammolarni hal etish bo‘yicha mutasaddi tashkilotlar bilan hamkorlikda amaliy choralar ko‘rish belgilandi. Shuningdek, aholi tomonidan bildirilgan takliflar asosida hududni ijtimoiy-iqtisodiy rivojlantirishga qaratilgan ishlar tizimli ravishda davom ettirilishi ta’kidlandi. Mazkur uchrashuv fuqarolar bilan doimiy muloqotni mustahkamlash, aholi muammolariga o‘z vaqtida yechim topish hamda deputatlik faoliyati samaradorligini oshirishda muhim ahamiyat kasb etdi.