8-may kuni Sardoba tumani Kengashi ish rejasi ijrosini ta’minlash maqsadida O‘zbekiston Respublikasi Prezidentining PQ-93-son qarori ijrosini ta’minlash maqsadida Xalq deputatlari Sardoba tuman Kengashi kotibiyati mudiri Q.O‘tayev tomonidan “Birlik” mahallasida o‘rganish ishlari olib borildi.
O‘rganish jarayonida hududdagi 12-son maktabgacha ta’lim tashkilotida amalga oshirilayotgan rekonstruksiya ishlari ko‘zdan kechirilib, qurilish va ta’mirlash jarayonlarining sifati, belgilangan muddatlarga muvofiqligi hamda yaratilayotgan shart-sharoitlar yuzasidan monitoring ishlari olib borildi.
Shuningdek, mas’ullarga qurilish ishlarini sifatli va o‘z vaqtida yakunlash, muassasada bolajonlar uchun zamonaviy va xavfsiz ta’lim muhitini yaratish bo‘yicha tegishli tavsiya hamda topshiriqlar berildi. Mazkur amaliy ishlar hudud infratuzilmasini yaxshilash, maktabgacha ta’lim tizimini rivojlantirish hamda aholining turmush darajasini yanada oshirishga xizmat qilmoqda.