Xalq deputatlari G‘ozg‘on shahar Kengashi deputati F.Hojiyev o‘z saylov okrugida fuqarolar bilan ochiq muloqot o‘tkazib, aholi murojaatlari bilan ishlash hamda 

ularni qiynayotgan muammolarni o‘rganish yuzasidan joyiga chiqdi.

O‘rganish ishlari O‘zbekiston Respublikasining 2017-yil 11-sentabrdagi O‘RQ-445-son "Jismoniy va yuridik shaxslarning murojaatlari to‘g‘risida"gi Qonuni talablari asosida tashkil etildi.

Muloqot davomida fuqarolarga mazkur Qonunning mazmun-mohiyati, xususan, har bir shaxsning davlat organlariga og‘zaki, yozma va elektron shaklda murojaat qilish huquqi, murojaatlarning belgilangan muddatlarda ko‘rib chiqilishi hamda murojaatlar yuzasidan asoslantirilgan javob olish kafolatlari haqida batafsil tushuntirish berildi.

Shuningdek, aholi tomonidan bildirilgan murojaat va takliflar tinglanib, ularning bir qismi joyida hal etildi, qo‘shimcha o‘rganishni talab qiladigan masalalar esa nazoratga olinib, tegishli tashkilotlarga qonunchilikda belgilangan tartibda yuborilishi belgilab olindi.

Deputat tomonidan fuqarolar bilan doimiy muloqotni yo‘lga qo‘yish, ularning murojaatlariga o‘z vaqtida va qonuniy yechim topish hamda aholini rozi qilishga qaratilgan bunday o‘rganish ishlari kelgusida ham izchil davom ettirilishi ta'kidlandi.