Xalq deputatlari Shirin shahar Kengashi deputati U. Normatov tomonidan 3-son umumiy o‘rta ta’lim maktabi sport zalining umumiy texnik holati o‘rganildi. O‘rganish jarayonida sport zalida olib borilayotgan ta’mirlash ishlari bilan yaqindan tanishildi.

Hozirgi kunda mazkur obyektda kapital ta’mirlash ishlari belgilangan reja asosida davom ettirilmoqda. Ta’mirlash ishlari yakunlangach, sport zalining moddiy-texnik bazasi yanada mustahkamlanib, o‘quvchilarning jismoniy tarbiya va sport bilan shug‘ullanishlari uchun zamonaviy hamda qulay sharoitlar yaratilishi ko‘zda tutilgan.

Deputat tomonidan amalga oshirilayotgan ishlarning sifati va muddatlariga alohida e’tibor qaratilib, mas’ullarga tegishli tavsiya va ko‘rsatmalar berildi.