Sessiyada Yunusobod tumani hokimligi huzuridagi “Infratuzilma va ijtimoiy barqarorlik” jamg‘armasi mablag‘larini xarajatlarga yo‘naltirish to‘g‘risidagi masala ko‘rib chiqildi.

Mazkur masala doirasida tumandagi inklyuziv ta’lim sinflari joriy etilgan umumta’lim maktablarida korreksion xonalarni jihozlash, alohida ta’lim ehtiyojiga ega o‘quvchilar uchun qulay va moslashtirilgan ta’lim muhitini yaratish masalalariga alohida e’tibor qaratildi.

Sessiya davomida jamg‘arma mablag‘laridan samarali, maqsadli va shaffof foydalanish, ularni ijtimoiy infratuzilmani rivojlantirish, inklyuziv ta’lim sharoitlarini yaxshilash hamda aholining dolzarb ehtiyojlarini hal etishga yo‘naltirish masalalari muhokama qilindi.

Mazkur jarayon “Mahalliy davlat hokimiyati to‘g‘risida”gi Qonun, O‘zbekiston Respublikasining Budjet kodeksi, “Ta’lim to‘g‘risida”gi Qonun, “Nogironligi bo‘lgan shaxslarning huquqlari to‘g‘risida”gi Qonun hamda mahalliy budjet va jamg‘arma mablag‘laridan foydalanishga oid normativ-huquqiy hujjatlarda belgilangan vazifalar ijrosiga muvofiq amalga oshirildi.

✅ Yunusobod tumanida inklyuziv ta’limni rivojlantirish, ijtimoiy infratuzilmani yaxshilash va budjet mablag‘laridan samarali foydalanish bo‘yicha ishlar davom ettirilmoqda.

Bizni kuzatishda davom eting!