Xalq deputatlari Zomin tuman Kengashi kotibiyat mudiri M.G'oibnazarov tomonidan navbatdagi sessiya kun tartibiga kiritilgan joriy yilning 6 oyi davomida “Yoshlarga oid davlat siyosati to‘g‘risida”gi Qonunning tumandagi ijrosi yuzasidan amalga oshirilgan ishlar to‘g‘risidagi O'zbekiston yoshlar ishlari agentligi Zomin tuman bo'limi boshlig'i hisobot bo‘yicha o‘rganish ishlari olib borildi.

O‘rganish davomida yoshlarni qo‘llab-quvvatlash, ularning bandligini ta’minlash, bo‘sh vaqtini mazmunli tashkil etish, tadbirkorlik tashabbuslarini rag‘batlantirish, ta’lim va kasb-hunarga yo‘naltirish borasida amalga oshirilgan ishlar tahlil qilindi.

O‘rganish natijalari asosida aniqlangan holatlar va bildirilgan takliflar Xalq deputatlari Zomin tuman Kengashining “Ijtimoiy soha, yoshlar siyosati, madaniyat va sport masalalari” bo‘yicha doimiy komissiyasi yig‘ilishi muhokamasiga kiritiladi. Komissiya tomonidan masala atroflicha ko‘rib chiqilib, tegishli xulosa va tavsiyalar ishlab chiqilgach, navbatdagi sessiya muhokamasiga taqdim etiladi.