Bolalarning mazmunli ta’tili deputatlar nazoratida.

Angor tumanidagi yozgi sog‘lomlashtirish oromgohi faoliyati o‘rganildi.Xalq deputatlari Angor tumani Kengashi kotibiyati mudiri J. Rahimqulov hamda tuman Kengashi deputati Rahima Mamatmirzayeva tomonidan 24-sonli umumiy o‘rta ta’lim maktabi qoshida tashkil etilgan “Do‘stlik” maktab oldi sog‘lomlashtirish oromgohi faoliyati bilan tanishildi.

Tashrif davomida oromgohda bolalarning mazmunli dam olishi uchun yaratilgan shart-sharoitlar, ma’naviy-ma’rifiy va sport tadbirlarining tashkil etilishi, tarbiyaviy ishlar hamda xavfsizlik masalalari ko‘zdan kechirildi.

Shuningdek, oromgoh faoliyatini yanada samarali tashkil etish, bolalarning yozgi ta’tilini mazmunli va xavfsiz o‘tkazish yuzasidan mas’ullar bilan fikr almashildi.