Yig‘ilishda xalq deputatlari Termiz shahar Kengashi deputatlarining bugungi kundagi faoliyati, saylovchilar bilan uchrashuvlari hamda hududiy muammolarni hal etishdagi ishtiroki tanqidiy tahlil qilindi.

💬 Tahlillar jarayonida o‘z okrugida faollik ko‘rsatmayotgan, aholi murojaatlari bilan ishlashda va Kengash qarorlari ijrosini nazorat qilishda sustkashlikka yo‘l qo‘yayotgan deputatlar faoliyatiga alohida to‘xtalib o‘tildi.

💬 Kengash raisi faqatgina tanqid qilish bilan cheklanib qolmay, faoliyatida orqada qolayotgan deputatlarga amaliy yordam ko‘rsatish lozimligini ta’kidladi. Yig‘ilishda ushbu deputatlarning ishini tizimli tashkil etish, saylovchilar bilan muloqotini jonlantirish va ularga kotibiyat tomonidan metodik ko‘maklashish bo‘yicha tegishli tavsiyalar berildi.

🫥Kengash kotibiyatiga har bir deputatning haftalik ish unumdorligini monitoring qilib borish va faoliyatini jadallashtirish bo‘yicha aniq vazifalar yuklatildi.