Xalq deputatlari Tuproqqal’a tuman Kengashi deputati Fotima Seydabdullayeva tumandagi 1-son texnikumda tashkil etilgan “Rahbar va yoshlar” dasturida ishtirok etdi.

Uchrashuv davomida yoshlar o‘zlarini qiziqtirgan savollarga javob oldilar. Suhbat jarayonida hukumatimiz tomonidan yoshlarga yaratilayotgan imtiyozlar hamda ulardan samarali foydalanib, kelajakda jamiyatga kerakli kadr bo‘lib yetishish uchun nimalarga e’tibor qaratish lozimligi haqida fikr almashildi.

Deputat yoshlarning rahbar sifatida shakllanishida bilim va ma’naviyatning o‘rni, zamonaviy boshqaruvda talab etiladigan sifatlar hamda ularni amaliyotda qo‘llash yuzasidan o‘z tajribasidan kelib chiqib tavsiyalar berdi.

Shuningdek, respublikamizdagi rahbar kadrlar tayyorlaydigan ta’lim muassasalarining jamiyatdagi roli haqida ham alohida to‘xtalib o‘tildi. Tumanimizda rahbar kadrlar tayyorlash bo‘yicha davlat dasturlari doirasida amalga oshirilayotgan ishlar yuzasidan yoshlarga tushuntirishlar berildi.