Xalq deputatlari Jondor tumani Kengashiga 5-Oydin saylov okrugidan saylangan deputat O.Muzaffarova hamda tuman Kengashi kotibiyati bosh mutaxassisi R.Murodovlar hamkorligida “Navgadi” mahallasida jamoat transporti xizmati holati joyiga chiqib o‘rganildi.
⚡️O‘rganish jarayonida aholi uchun yaratilgan sharoitlar, jamoat transportlarining muntazam harakatlanishi, mikroavtobus bekatlarining holati atroflicha tahlil qilindi. Shuningdek, fuqarolar bilan muloqot qilinib, ularning fikr va takliflari tinglandi.
⚡️O‘rganish davomida ayrim mikroavtobus qatnovlarining belgilangan vaqtda harakatlanmayotgani, bekatlardagi infratuzilma talab darajasida emasligi hamda yo‘lovchilar uchun qulaylik yaratish borasida qator kamchiliklar mavjudligi aniqlandi.
⚡️Aniqlangan muammolarni bartaraf etish, aholiga sifatli va qulay transport xizmati ko‘rsatilishini ta’minlash maqsadida tuman hokimi o‘rinbosari X.Bafoyev nomiga deputat so‘rovi chiqarishga kelishib olindi.
⚡️Mazkur yo‘nalishdagi ishlar nazoratga olinib, aholi murojaatlariga asosan amaliy choralar ko‘rilishi belgilandi.