🇺🇿 Xalq deputatlari Uchtepa tumani Kengashining "9-Jurjoniy" saylov okrugi deputati Ismanov Jafar Xodjimuratovich tomonidan Uchtepa tumani hokimining o'rinbosari - Investitsiyalar, sanoat va savdo bo'limi boshlig'i S.Abdikarimovga deputatlik so'rovi chiqarildi.

⚠️ O‘zbekiston Respublikasi Prezidentining 2021-yil 21-apreldagi PQ-5088-sonli “Yoshlar sanoat va tadbirkorlik zonalari faoliyatini tashkil etish hamda yoshlarning tadbirkorlikka oid tashabbuslarini qo‘llab-quvvatlash chora-tadbirlari to‘g‘risida”gi qarorida yoshlar sanoat zonalari yuzasidan belgilab berilgan asosiy vazifalari va ustuvor yo‘nalishlari bo'yicha quyidagi asosiy masalalar so'raldi:

✍️ Toshkent shahri Uchtepa tumani “Jurjoniy” mahallasi hududida tashkil etilishi belgilangan Yoshlar sanoat va tadbirkorlik zonasining bugungi kundagi holati;

✍️ mazkur hududda Yoshlar sanoat zonasini tashkil etish bo‘yicha amalga oshirilgan ishlar hamda bajarilmagan vazifalar to‘g‘risida;

✍️ qarorda nazarda tutilgan ichimlik suvi, elektr energiyasi, tabiiy gaz va avtomobil yo‘li infratuzilmalarini barpo etish ishlari qay darajada amalga oshirilgani;

✍️ muhandislik-kommunikatsiya tarmoqlariga ulanish bo‘yicha mas’ul tashkilotlar tomonidan bajarilgan amaliy ishlar, ajratilgan mablag‘larning o‘zlashtirilishi hamda mavjud muammolar haqida asoslantirilgan ma’lumotlar haqida belgilangan muddatda yozma ravishda asosli javob yuborish so'ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.