Xotira va qadirlash kuni arafasida tuman hududida joylashgan qabristonlarda obodonlashtirish va tozalik ishlari Xalq deputatlari tuman Kengashi kotibiyat mudiri Sh.Soliyev, deputatlar M.Jumayeva, M.Atoyevalar tomonidan nazoratga olindi. Ushbu xayrli tadbirlar doirasida hududlarni tartibga keltirish, ziyoratgohlarni obod qilish hamda aholi uchun qulay va ozoda muhit yaratishga alohida e’tibor qaratildi.

Tashkil etilgan hasharlar davomida mahalla fuqarolari, nuroniylar hamda yoshlar faol ishtirok etib, qabristonlar atrofida yig’ilgan chiqindilar tozalandi, yo’laklar obodonlashtirildi hamda umumiy sanitariya holati yaxshilandi. Jamoatchilikning bunday faol ishtiroki tadbirning yanada samarali va uyushqoq o’tishiga xizmat qildi.

Deputatlar tomonidan olib borilgan nazorat jarayonida amalga oshirilayotgan ishlar sifatli tashkil etilayotgani, fuqarolarning tashabbuskorligi va hamjihatligi yuqori ekanligi alohida ta’kidlandi. Shu bilan birga, muqaddas joylarni asrab-avaylash, ularni doimiy ravishda ozoda saqlash har bir fuqaroning ma’naviy burchi ekani qayd etildi.

Tadbir yakunida bunday xayrli ishlar kelgusida ham muntazam davom ettirilishi, mahallalarda obodonchilik va tozalik madaniyatini yanada yuksaltirish bo’yicha tegishli tavsiya va yo’l-yo’riqlar berildi.