Deputat nazorati: Aholi va ijtimoiy soha obyektlaridagi muammolar e’tibor markazida

Xalq deputatlari Termiz tuman Kengashi deputati A.Avliyakulov tomonidan hududdagi muammolar yuzasidan chiqarilgan deputatlik so‘rovlari ijrosi joyiga chiqqan holda, tanqidiy o‘rganildi.

Navbatdagi nazorat tadbiri davomida deputat, tuman “Suvoqova” MChJ boshlig‘i M.Odinayev hamda Termiz tumani Iqtisodiyot va moliya bo‘liminig birinchi o‘rinbosari G‘.Toshev bilan birgalikda “M.Eshtemirov” MFY hududidagi dolzarb masalalarni ko‘zdan kechirdi.

O‘rganish natijalari:

O‘zbekiston ko‘chasi: Hududdagi suv minorasining texnik holati tahlil qilinib, aholini toza ichimlik suvi bilan barqaror ta’minlash bo‘yicha choralar belgilandi.

19-sonli MTT hududi: Markazlashgan suv tarmog‘ida yuzaga kelgan nosozlik (yorilish) natijasida ichimlik suvi isrof bo‘layotgani va muassasa hududida suv to‘planib qolayotgani aniqlandi. Ushbu holat bino poydevorining cho‘kishi va devorlar namlanishi kabi jiddiy texnik xavflarni keltirib chiqarayotgani alohida ta’kidlandi.

Deputat, tuman "Suvoqova" MChJ boshlig‘i M.Odinayev hamda Iqtisodiyot va moliya bo‘limi mutasaddilari bilan birgalikda muammoni bartaraf etilishi va tegishli choralar ko‘rilishi belgilab oldilar. Masala to‘liq hal etilgunga qadar deputat nazoratida bo‘ladi.