Xalq deputatlari Jalaquduq tuman Kengashi deputati B. Bazarova tashabbusi bilan tuman Hunarmandlar uyushmasi vakili N. O‘roqova ishtirokida maktabgacha va maktab ta’limi tizimiga qarashli 1-son umumta’lim maktabida davra suhbati tashkil etildi. Tadbir davomida yurtimizda hunarmandlarga yaratilayotgan shart-sharoitlar, ularni qo‘llab-quvvatlashga qaratilgan imkoniyatlar atroflicha muhokama qilindi. Shuningdek, “ustoz va shogird” an’analari asosida amalga oshirilayotgan ishlar, yoshlarni kasb-hunarga jalb etish borasidagi yangiliklar haqida ishtirokchilarga batafsil ma’lumotlar berildi. Davra suhbati ochiq muloqot tarzida o‘tib, unda ishtirokchilar o‘z fikr va takliflari bilan o‘rtoqlashdilar. Bildirilgan mulohazalar yoshlarni hunarmandchilikka kengroq jalb etish, ularning qiziqishini oshirish hamda amaliy ko‘nikmalarini shakllantirishda muhim ahamiyat kasb etishi ta’kidlandi. Bunday tadbirlar yosh avlodni hunarmandchilikka qiziqtirish, milliy qadriyatlarni asrab-avaylash, shu bilan birga ularning bandligini ta’minlash va kelgusida o‘z kasbiga ega bo‘lishiga xizmat qilishi bilan ahamiyatlidir.