Xalq deputatlari Mirzo Ulug‘bek tumani Kengashining Ijtimoiy soha, yoshlar siyosati, ta’lim, sog‘liqni saqlash, madaniyat va sport masalalari bo‘yicha doimiy komissiyasi tomonidan Toshkent davlat tibbiyot universiteti Nevrologiya, bolalar nevrologiyasi va tibbiy genetika hamda Endokrinologiya kafedralari mutaxassislari ishtirokidagi Mirzo Ulug‘bek tumanidagi erkaklar muruvvat uyida tibbiy tadbir tashkil etildi.

Erkaklar muruvvat uyida istiqomat qiluvchi bemorlar uchun deputatlar tomonidan tashkil etilgan keng qamrovli tibbiy ko‘rik tadbirida shifokorlar har bir bemorni alohida ko‘zdan kechirib, ularning salomatligini chuqur tahlil qildilar va zarur tavsiyalar berdilar.  

Muruvvat uyida yashovchi fuqarolarga ko‘rsatilgan bunday qo‘shimcha tibbiy ko‘riklar ularning nafaqat jismoniy, balki ruhiy holatini ham qo‘llab-quvvatlashda muhim o‘rin tutadi.  

Ushbu tadbir mehr-oqibat, sahovat va insonparvarlik qadriyatlari jamiyatimizda ustuvor ekanligining yana bir yorqin ifodasidir.