📌Xalq deputatlari Oqoltin tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiya a’zosi Y.Berdiyarov hamda Kengash kotibiyati bosh mutaxassisi D.Shakarboyev tomonidan tuman hududida amalga oshirilayotgan qurilish-ta’mirlash ishlari yuzasidan navbatdagi o‘rganish ishlari olib borildi.

🔶Jumladan, tuman Madaniyat markazida olib borilayotgan ta’mirlash ishlari holati joyiga chiqib o‘rganildi. O‘rganish jarayonida obyektni ta’mirlash uchun zarur qurilish materiallari yetkazib berilgani hamda ishlar belgilangan reja asosida olib borilayotgani aniqlandi.

🔷Shuningdek, ta’mirlash ishlarini sifatli va belgilangan muddatlarda yakunlash yuzasidan mas’ullarga tegishli tavsiya va ko‘rsatmalar berildi.

Xalq deputatlari Oqoltin tumani Kengashi kotibiyati.