Ushbu uchrashuvda O'zbekiston Respublikasining "Xotin-qizlarni tazyiq va zo'ravonlikdan himoya qilish to'g'risida"gi Qonunining mazmun-mohiyati, uning amaldagi ijrosi hamda aholi o'rtasida huquqiy madaniyatni oshirish masalalari muhokama qilindi. 

Shuningdek, xotin-qizlarning huquq va manfaatlarini himoya qilish, ularga nisbatan har qanday tazyiq va zo'ravonlik holatlarining oldini olish bo'yicha amalga oshirilayotgan ishlar yuzasidan fikr almashildi.

Uchrashuv davomida ishtirokchilar tomonidan mavjud muammolar ko'tarilib, ularni bartaraf etish bo'yicha taklif va tavsiyalar berildi. Deputat tomonidan mazkur yo'nalishdagi ishlar doimiy nazoratda ekanligi ta'kidlandi.

Ushbu masala va aniqlangan kamchiliklar hafta yakuni bilan Xalq deputatlari Zomin tuman Kengashining Ijtimoiy soha, yoshlar siyosati, madaniyat va sport masalalari bo'yicha doimiy komissiyasi yig'ilishida muhokama qilinishi ta'kidlandi.