Xalıq deputatları Taxtakópir rayonlıq Keńesine ÓzLiDeP partiyasınan saylanǵan deputat Sagindikova Aynagúl Djubatxanovna saylawshılar menen rayon orayında jaylasqan "Keleshek" orayı imaratında ushırastı.

Ushırasıwda deputat A.Sagindikova 2026-jıldıń I sheregi dawamında óz jumısı boyınsha esabat berip, aymaqtaǵı bar mashqalalar, olardı saplastırıw boyınsha ámelge asırılıp atırǵan jumıslar hám sessiyalarda kórip shıǵılǵan áhmiyetli máseleler haqqında tolıq maǵlıwmat berdi.

Sonday-aq, Qaraqalpaqstan Respublikası ushın qabıl etilgen qarar hám biyliklerdiń mazmun-mánisi, xalıq ushın jaratılıp atırǵan jeńillikler hám alıp barılıp atırǵan reformalar boyınsha túsinikler berildi.

Ushırasıw ashıqtan-ashıq sóylesiw ruwxında ótti, saylawshılar ózlerin qızıqtırǵan sorawlarǵa juwap aldı.