МАҲАЛЛАДА ЁШЛАР БИЛАН ИШЛАШ ФАОЛИЯТИ ЎРГАНИЛДИ

Халқ депутатлари Янгиқўрғон туман Кенгаши депутати Миразимов Рустамжон Ғуломович сайлов округида жойлашган Туман маҳалласида бўлди.

Ташриф давомида маҳаллада ёшлар билан ишлаш тизими, хусусан, ёшлар етакчисининг фаолияти атрофлича ўрганилди. Ўрганиш жараёнида ёшларни бандлигини таъминлаш, уларни касб-ҳунарга йўналтириш, бўш вақтларини мазмунли ташкил этиш ҳамда ижтимоий фаоллигини оширишга қаратилган ишларга алоҳида эътибор қаратилди.

Шунингдек, маҳалладаги ёшлар муаммолари, уларнинг таклиф ва ташаббуслари тингланиб, мавжуд масалаларни ҳал этиш юзасидан тегишли чора-тадбирлар белгилаб олинди.

Ёшлар билан ишлаш самарадорлигини янада ошириш, уларни ҳар томонлама қўллаб-қувватлаш ва ижтимоий ҳаётга кенг жалб этиш бўйича ишлар изчил давом эттирилади.