Termiz tumanida ichimlik va oqova suvi ta’minoti loyihalari davom etmoqda

Termiz tumanida Islom Taraqqiyot Banki ishtirokidagi xalqaro loyiha doirasida bir qator mahallalarda infratuzilmani yaxshilash ishlari izchil davom etmoqda. Hozirgi kunda 5 ta mahallada 23 ta subloyiha amalga oshirilmoqda.

Xalq deputatlari tuman Kengashi kotibiyati mudiri A. Avliyakulov, deputat G. Shafoatova, bosh mutaxassis T.Murodov hamda tegishli tashkilotlar mas’ullari loyihalarning ijrosini yaqindan kuzatmoqda.

Jumladan, Yangihayot va Uchqizil mahallalarida ichimlik va oqova suvi tizimini yaxshilash ishlari olib borilmoqda. Nasoslar o‘rnatildi, suv ta’minoti tizimi modernizatsiya qilinmoqda va aholiga sifatli xizmat ko‘rsatish nazorat qilinmoqda.

Loyihaning asosiy maqsadi – mahallalarda barqaror va sifatli ichimlik suvi ta’minoti, oqova suvlarni to‘g‘ri yo‘naltirish va infratuzilmani mustahkamlash.

Xalq deputatlari va mas’ul tashkilotlar loyiha ijrosini doimiy nazorat qilib, aholi ehtiyojlari va loyihalarning sifatli amalga oshirilishini ta’minlamoqda.