Hududlarda amaliy ishlar – aholi manfaatlari yo‘lida

Xalq deputatlari Termiz tuman Kengashi deputati Sh. Norsayev joriy 27-mart kuni o‘zi saylangan hududda olib borilayotgan bunyodkorlik va infratuzilma ishlari bilan yaqindan tanishdi.

Xususan, hududga toza ichimlik suvi tarmog‘ini tortish jarayoni joyiga chiqib o‘rganildi. Mazkur loyiha aholini sifatli ichimlik suvi bilan ta’minlash, sanitariya-gigiyena sharoitlarini yaxshilash hamda fuqarolarning turmush darajasini oshirishda muhim ahamiyat kasb etadi.

O‘rganish davomida ishlarning borishi, sifati va muddatlariga alohida e’tibor qaratilib, mas’ul tashkilotlarga tegishli tavsiya va ko‘rsatmalar berildi.

Bugungi kunda hududlarda amalga oshirilayotgan bunday loyihalar aholining uzoq yillik muammolarini hal etish, qulay va munosib yashash sharoitlarini yaratishga xizmat qilmoqda.