Ichki ko‘cha yo‘llari va yoritish holati o‘rganildi.

Xalq deputatlari tuman Kengashining 25-Bobodo‘g‘i saylov okrugidan saylangan tuman Kengashi deputati Tilavov Otabek Norpulotovich Oqrabot mahallasida bo‘ldi.

Deputat hududdagi ichki ko‘cha yo‘llari holati hamda ko‘chalarning tungi yoritilishi masalalarini o‘rganish maqsadida joyiga chiqqan holda o‘rganish ishlarini amalga oshirdi.

O‘rganish jarayonida Oqrabot mahallasi raisi Hamidov Alisher Shokirovich bilan hamkorlikda mavjud muammolar atroflicha ko‘rib chiqildi. Aniqlangan kamchiliklarni bartaraf etish, aholi uchun qulay va xavfsiz sharoitlar yaratish bo‘yicha tegishli takliflar ishlab chiqildi.

Mazkur masalalar yuzasidan mutasaddi tashkilotlarga amaliy chora-tadbirlar ko‘rish bo‘yicha deputat so'rovlari tayyorlanmoqda.