#_Haftalik_ish_reja
#_deputat_faoliyati
#_kotibiyat_xodimi_faoliyati
#_24_talik_masala
Aholi murojaatlari xonadonbay o‘rganilmoqda

Xalq deputatlari tuman Kengashining 1-Sangardak saylov okrugidan saylangan deputati S.Kasimov hamda tuman Kengashi kotibiyati bosh mutaxassisi N.Xamdamova tomonidan aholi murojaatlarini joyiga chiqqan holda xonadonbay o‘rganish ishlari amalga oshirildi.

O‘rganish jarayonida mas’ullar fuqarolar xonadonlarida bo‘lib, ular bilan yuzma-yuz muloqot qildilar hamda aholini qiynayotgan muammo va tashvishlar, mavjud kamchiliklar hamda takliflarni tingladilar.

Muloqot davomida fuqarolar tomonidan bildirilgan murojaatlarni atroflicha o‘rganish, muammolarning kelib chiqish sabablarini aniqlash va ularni bartaraf etish yuzasidan tegishli choralarni belgilashga alohida e’tibor qaratildi. Shuningdek, murojaatlarni vakolatli tashkilotlar bilan hamkorlikda ko‘rib chiqish hamda ularning ijrosini nazoratga olish masalalari muhimligi ta’kidlandi.

Xonadonbay o‘rganishlardan asosiy maqsad — aholi bilan bevosita muloqot qilish, fuqarolar murojaatlariga o‘z vaqtida munosabat bildirish, mavjud muammolarga amaliy yechim topish va aholi manfaatlarini ta’minlashdan iborat.

Bunday manzilli o‘rganishlar deputatlik nazoratini kuchaytirish, aholi muammolarini tizimli ravishda o‘rganish hamda fuqarolar murojaatlari bilan ishlash samaradorligini oshirishga xizmat qiladi.

Aholi murojaatlari — doimiy e’tiborda!