Xalq deputatlari tuman Kengashi deputatlari Y.Jo‘rayev va J.Mamadaliyev tomonidan Bo‘ston mahallasi raisi hamda mahalla nuroniylari bilan uchrashuv o‘tkazildi.

Uchrashuvda mahallada PQ-49-sonli qaror asosida amalga oshirilayotgan ishlar, xususan, yoshlarga ajratilgan yer maydonlarida sug‘orish tizimini yaxshilash maqsadida lotoklarning yangilanayotgani, shuningdek, mahalladagi oqar suv tarmog‘ini yaxshilash uchun ichki ariqlar o‘rnatilayotgani muhokama qilindi.

Shuningdek, “Ochiq budjet” loyihasi doirasida mahallada qurilayotgan sport inshootlarining holati, amalga oshirilayotgan ishlar va ularning sifatli yakunlanishi yuzasidan fikr-mulohazalar almashildi. Aniqlangan masalalarni hal etish hamda ishlarni samarali tashkil etish bo‘yicha tegishli vazifalar belgilab olindi.