Xalq deputatlari Mirzo Ulug‘bek tumani Kengashi deputati, Adolat SDP a’zosi Shavkat Abdukamilov O‘zbekiston Respublikasi Prezidentining 2026-yil 5-fevraldagi PQ-48-son qarori ijrosini ta’minlash maqsadida, bolalar maydonchasi va irrigatsiya tarmog‘ini qurish holatlarini o‘rganish yuzasidan “Azamat” mahallasida o‘rganish ishlarini olib bordi.

O‘rganish davomida deputat ushbu mahallaning ayrim hududlarida irrigatsiya tizimini barpo etish, qurilishi rejalashtirilgan bolalar va sport maydonchalari uchun ajratilayotgan yer maydonlari va mavjud maydonchalarni zamonaviysiga almashtirish, yosh avlodni sportga bo‘lgan qiziqishlarini yanada kuchaytirishga qaratilgan ishlar bilan yaqindan tanishdi.

Deputat tomonidan mazkur yo‘nalishdagi monitoring ishlari davom ettirilib, aholining munosib yashash sharoitlarini ta’minlash hamda amalga oshirilagan ishlar yuzasidan tizimli nazorat olib borilishi ta’kidlandi.

Bo‘lib o‘tgan tadbirda Kengash kotibiyati bosh mutaxassisi Gulchexra Azizova ham ishtirok etdi.