#tavsiyalar
#yoshlar_maslahat_guruhi
#deputatlik_nazorati

“KOGON PERLIT” MCHJ FAOLIYATI O‘RGANILDI

Xalq deputatlari Kogon shahar Kengashi deputatlari Sh. Isamutdinov, D. Arabova hamda kotibiyat bosh mutaxassisi I. Ikromov ishtirokida “Kogon Perlit” MCHJ korxonasining faoliyati bilan tanishildi.

O‘rganish ishlari O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni hamda “Tadbirkorlik faoliyati erkinligining kafolatlari to‘g‘risida”gi Qonunning 44-moddasida belgilangan talab va tamoyillar asosida amalga oshirildi.

O‘rganish davomida korxonadagi ishlab chiqarish jarayonlari, mavjud imkoniyatlar, ishlab chiqarish quvvatlaridan foydalanish holati hamda tadbirkorlik faoliyati uchun yaratilgan sharoitlar ko‘zdan kechirildi.

Shuningdek, korxona faoliyatida mavjud muammolar, tadbirkorlik subyektini qo‘llab-quvvatlash masalalari va kelgusidagi rejalar yuzasidan mas’ullar bilan fikr almashildi.

Bunday o‘rganishlar tadbirkorlik subyektlarining qonuniy manfaatlarini ta’minlash, mavjud muammolarni aniqlash va ularni qonuniy tartibda hal etishga ko‘maklashishga xizmat qiladi.

Xalq deputatlari
Kogon shahar Kengashi
axborot xizmati

Telegram. Instagram. Facebook. Youtube. E-kengash