Xalq deputatlari tuman Kengashi kotibiyatining 2026-yil 3–7-avgust kunlariga mo'ljallangan haftalik ish rejasiga muvofiq, tuman Kengashi deputatlari G.Bobojonova hamda X.Хamidov tomonidan tuman "Hududgaz ta'minoti" bo'limi faoliyati o'rganildi. O'rganish jarayonida korxona faoliyati yuzasidan aholi tomonidan bildirilayotgan murojaatlar va e'tirozlar, ayniqsa, chekka hududlarga suyultirilgan gaz ballonlarini o'z vaqtida yetkazib berish, gaz ta'minoti sifati hamda xizmat ko'rsatish jarayonida uchrayotgan muammolar atroflicha tahlil qilindi. Deputatlar korxona mutasaddilari bilan uchrashib, mavjud kamchiliklarning kelib chiqish sabablari, ularni bartaraf etish bo'yicha amalga oshirilayotgan ishlar hamda istiqboldagi rejalar bilan yaqindan tanishdilar. Shuningdek, aholining qonuniy manfaatlarini ta'minlash, murojaatlarga o'z vaqtida javob qaytarish va gaz ta'minoti
xizmatlari sifatini yanada yaxshilash yuzasidan tegishli tavsiya va takliflar bildirildi. Deputatlik nazorati davomida aniqlangan holatlar yuzasidan mas'ul tashkilotga zarur tavsiyalar berilib, belgilangan vazifalarning ijrosi ustidan doimiy nazorat o'rnatilishi
ta'kidlandi. Xalq deputatlari tuman Kengashi tomonidan fuqarolarni qiynayotgan muammolarni joyiga chiqib o'rganish, ularni
bartaraf etish va aholiga sifatli xizmat ko'rsatilishini ta'minlash borasidagi nazorat tadbirlari izchil davom ettiriladi.