Xalq deputatlari Termiz shahar Kengashi raisi D.Normuradova raisligida shahar Kengashi deputatlari hamda Kengash kotibiyati xodimlari ishtirokida deputatlarning o‘tgan hafta mobaynida amalga oshirgan ishlari yuzasidan navbatdagi tahliliy yig‘ilish bo‘lib o‘tdi.

Yig‘ilishda o‘tgan hafta davomida shahar deputatlari tomonidan okruglarda olib borilgan faoliyat atroflicha sarhisob qilindi:

✅ Nazorat-tahlil tadbirlari: Oliy Majlis Senati Kengashining KQ-35-sonli qarori hamda shahar Kengashi qarorlari ijrosi yuzasidan infratuzilma, yo‘l, elektr va suv ta’minoti obyektlarida o‘tkazilgan o‘rganishlar yakunlari;

✅ “Mahalla yettiligi” va 24 tavsiya: Shahar mahallalarida “Mahalla yettiligi” faoliyatini 24 ta tavsiya asosida o‘rganish va ko‘maklashish holati;

✅ Murojaatlar va deputatlik so‘rovlari: Saylovchilar hamda “Ijtimoiy daftarlar”ga kiritilgan fuqarolar murojaatlari, shuningdek, mas’ul idoralarga yuborilgan deputatlik so‘rovlarining ijro samaradorligi;

✅ OAV va shaffoflik: Deputatlar va kotibiyat faoliyatini ommaviy axborot vositalari hamda ijtimoiy tarmoqlarda ochiq va shaffof yoritish jarayoni.

Yig‘ilish davomida Kengash raisi D.Normuradova deputatlarning har bir okrugdagi faoliyati natijadorligiga to‘xtalib, shunday ta’kidladi:

"Deputatlarimizning haftalik faoliyati qog‘ozdagi raqamlar yoki quruq hisobotlarda emas, balki fuqarolarimizning turmush sharoitidagi ijobiy o‘zgarishlarda aks etishi lozim. Har bir saylov okrugidagi muammo va aholi murojaati deputatning shaxsiy nazoratida bo‘lishi va oxirigacha hal etilishi shart."

Yig‘ilish yakunida joriy hafta uchun belgilangan haftalik ish rejadagi ustuvor vazifalar kelishib olindi. Okruglarda aholi bilan xonadonbay muloqotni yanada kuchaytirish, deputatlik so‘rovlariga o‘z vaqtida va mazmunan javob bermagan mas’ul tashkilotlar bo‘yicha tegishli choralarni ko‘rish yuzasidan aniq topshiriqlar belgilandi.