#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️ Deputat sayyor qabulida mahallalardagi dolzarb muammolar muhokama qilindi

🏛 Xalq deputatlari Toshkent shahar Kengashi deputati Inomjon Majidov Yashnobod tumanidagi 48-“Behizor” saylov okrugiga qarashli “Asalobod” MFYda sayyor qabul o‘tkazib, fuqarolar hamda “Asalobod”, “Yanginur” va “Oydinko‘l” mahallalari “yettiligi” vakillari bilan ochiq muloqot olib bordi.

🗣 Uchrashuv davomida “Asalobod” MFY raisi va fuqarolar ishtirokida mahalla hududida noqonuniy qurilgan obyektlar, kechki paytlarda kuzatilayotgan shovqin-suron, ayrim fuqarolarni “Ijtimoiy himoya yagona reyestri”ga kiritish bilan bog‘liq masalalar atroflicha muhokama qilindi.

🔺 Shuningdek, “Yanginur” va “Oydinko‘l” mahallalarida to‘planib qolgan chiqindi uyumlari, ularning sanitariya holati hamda aholi salomatligiga salbiy ta’sir ko‘rsatayotgan omillar yuzasidan mavjud muammolar joyida tahlil qilindi.

📝 Muloqot jarayonida deputatlik faoliyatini yanada samarali tashkil etish maqsadida ishlab chiqilgan 24 ta tavsiyaviy savol hamda Mahalliy Kengash deputatlari faoliyatida foydalanish tavsiya etilgan 162 ta muhim qonun talablari asosida hududdagi mavjud holat kompleks o‘rganildi. Xususan, jamoat xavfsizligi, mahalla obodonchiligi, chiqindilarni o‘z vaqtida olib chiqish, aholini ijtimoiy qo‘llab-quvvatlash, yoshlar bandligi va boshqa dolzarb yo‘nalishlar yuzasidan fikr almashildi.

🔎 Fuqarolar tomonidan bildirilgan barcha murojaat va takliflar deputat tomonidan “Ko‘chama-ko‘cha deputat daftari”ga qayd etilib, ularning har biri alohida deputatlik nazoratiga olindi. Muammolarni bosqichma-bosqich hal etish, zarur hollarda deputatlik so‘rovlari kiritish hamda mutasaddi tashkilotlar bilan hamkorlikda amaliy yechim topish bo‘yicha vazifalar belgilandi.

📨 Uchrashuv yakunida noqonuniy qurilmalar, chiqindilarni bartaraf etish, ijtimoiy himoya masalalari va fuqarolar tomonidan ko‘tarilgan boshqa muammolar yuzasidan tegishli tashkilotlarga deputatlik so‘rovlari yuborishga kelishib olindi.

🤝 Deputat Inomjon Madjidov fuqarolar bilan doimiy ochiq muloqot olib borish, mahallalardagi muammolarni tizimli o‘rganish hamda ularning amaliy yechimiga erishish deputatlik faoliyatining ustuvor yo‘nalishlaridan biri ekanini ta’kidladi.

📱 Telegram 📱 Instagram 📱 Facebook 📱 YouTube