Mahalla ijtimoiy xodimi faoliyati o‘rganildi.

Xalq deputatlari tuman Kengashi deputati G‘. Safarov, tuman Kengashi kotibiyati bosh mutaxassisi U. Sodiqov hamda tuman Ekologiya partiyasi Kengashi raisi G. Rahmatova tomonidan Malikobod mahallasi ijtimoiy xodimining faoliyati o‘rganildi.

O‘rganish davomida ijtimoiy xodim tomonidan ehtiyojmand oilalar, yolg‘iz keksalar, nogironligi bo‘lgan shaxslar hamda ijtimoiy himoyaga muhtoj fuqarolar bilan olib borilayotgan ishlar, ularning murojaatlarini o‘rganish va amaliy yordam ko‘rsatish borasidagi faoliyat bilan yaqindan tanishildi.

Shuningdek, fuqarolarning ijtimoiy xizmatlardan foydalanish imkoniyatlari, davlat tomonidan ajratilayotgan yordam va qo‘llab-quvvatlash choralarining manzilli yetkazilishi, mavjud muammolarni aniqlash hamda ularni bartaraf etish yuzasidan amalga oshirilayotgan ishlar muhokama qilindi.