Xalq deputatlari Tuproqqal’a tuman Kengashi deputati Fotima Seydabdullayeva "Dolzarb 90 kunlik" loyihasi doirasida "Nilufar" bolalar oromgohida dam olayotgan yoshlar bilan uchrashdi.

Uchrashuv davomida o‘quvchilarga "Men ham harbiy bo‘laman" kitobi taqdim etilib, uning mazmun-mohiyati, yoshlarni harbiy-vatanparvarlik ruhida tarbiyalashdagi o‘rni haqida suhbat o‘tkazildi. Shuningdek, kitobning videoroligi namoyish etilib, yoshlarni qiziqtirgan savollarga batafsil javob berildi.

Deputat F.Seydabdullayeva yoshlarning fikr va takliflarini tinglab, ularning Vatanga sadoqat, yurt himoyachisi bo‘lishga intilish ruhini yanada mustahkamlashga qaratilgan bunday tadbirlar muhim ahamiyat kasb etishini ta’kidladi.🇺🇿