Xalq deputatlari Tuproqqal’a tuman Kengashi kotibiyati mudiri X. Sultonov hamda Kengash huzuridagi “Ekspert” guruhi mas’ul kotibi P. Rahmanov bilan hamkorlikda “Muhabbat” mahallasida 2026-yilning birinchi yarim yilligida amalga oshirilgan ishlar tahlil qilindi.

Muhokama davomida mahallani obodonlashtirish va ijtimoiy-iqtisodiy rivojlantirish borasida erishilgan natijalar ko‘rib chiqildi hamda mas’ul tashkilotlar bilan hamkorlikni yanada kuchaytirish bo‘yicha chora-tadbirlar belgilab olindi.

Shuningdek, “Hayotni tanla” aksiyasi doirasida giyohvandlikka qarshi kurashish, profilaktik tadbirlarni deputatlik guruhlari bilan hamkorlikda tashkil etish yuzasidan takliflar ilgari surildi. 🤝