Халқ депутатлари Янгиқўрғон тумани Кенгаши депутати Қодиров Икромжон Жўраевич томонидан сайлов округида жойлашган Қораполвон маҳалласи аҳолисидан келиб тушган мурожаат жойига чиққан ҳолда ўрганилди.

Ўрганиш ишлари маҳалла раиси ҳамда профилактика инспектори билан ҳамкорликда ташкил этилиб, мурожаатда кўтарилган масала атрофлича таҳлил қилинди.

Жараён давомида фуқароларнинг фикр-мулоҳазалари ва таклифлари тингланиб, мавжуд муаммоларни бартараф этиш юзасидан масъуллар билан биргаликда зарур чора-тадбирлар белгилаб олинди.

Депутат томонидан аҳоли мурожаатларини ўз вақтида ва қонуний тартибда кўриб чиқиш, муаммоларни жойида ўрганиш ҳамда уларга амалий ечим топиш депутатлик фаолиятининг устувор йўналишларидан бири экани таъкидланди.

📌 Инсон манфаати, аҳоли розилиги ва ҳудудлардаги мавжуд муаммоларга ечим топишга қаратилган бундай ўрганишлар изчил давом эттирилмоқда.