Вилоят Кенгаши сессиясида берилган топшириқлар ижроси жойига чиққан ҳолда ўрганилди

      Жорий йилнинг 30 апрель куни халқ депутатлари вилоят Кенгаши депутатлари бошчилигидаги ишчи
гуруҳ Фориш туманида ўраганишлар олиб борди. Хусусан, халқ депутатлари вилоят Кенгаши котибияти мудири Н.Каримова, Жиззах вилоят Кенгаши депутатлари Э.Нариев, Б.Тўраевалар халқ депутатлари Фориш туман Кенгаши депутатлари “Маҳалла еттилиги” билан ўзаро ҳамкорлиги доирасида Ўзбекистон
Республикаси Олий Мажлис Сенати Кенгашининг 2025 йил 14 январдаги КҚ-35-V-сонли Қарорининг Фориш туманидаги ижроси юзасидан ҳудуддаги лойиҳалар билан танишишди. 

Шунингдек, Халқ депутатлари Жиззах вилояти Кенгашининг 2026 йил 18 апрелдаги 28-сессияси кун
тартибига киритилган Жиззах шаҳридан Фориш туман ҳудудидан ўтган Давлат аҳамиятидаги D048 “Жиззах-Боғдон-Қизилча-D191” автомобил йўлини жорий таъмирлаш юзасидан аҳоли мурожаатлари ошганлиги, мазкур йўлларни тез фурсатларда жорий таъмирлаш ишлари олиб борилиши юзасидан берилган топшириқлар ижроси депутатлар томонидан жойига чиққан ҳолда ўрганилди.  

Ўрганиш давомида оғир юк ташувчи автомашиналар оқими кўплиги сабабли йўлларда бузилишлар ва кичик чуқурчалар пайдо бўлганлиги боис жорий йилда ушбу автомобил йўлини таъмирлаш учун 1590 тонна асфалт қопламаси ажратилганлиги ҳамда асфалт ётқизиш ишлари тегишли масъуллар томонидан ўз
вақтида сифатли бажарилиши белгилаб берилди.