AGRAR, SUV XO‘JALIGI VA EKOLOGIYA MASALALARI: MUHIM MASALALAR MUHOKAMA QILINDI

🔹 Agrar, suv xo‘jaligi va ekologiya masalalari bo‘yicha doimiy komissiya yig‘ilishida hududlarni rivojlantirishga qaratilgan dolzarb masalalar ko‘rib chiqildi.

🔹 Kun tartibida Farg‘ona tumanidagi ichki yo‘llarni saqlash va joriy ta’mirlash ishlari bo‘yicha 2026 yil uchun dastlabki manzilli ro‘yxatni tasdiqlash hamda O‘zLiDeP Farg‘ona tuman Kengashi deputatlik guruhi tomonidan hududlarda elektr ta’minoti holatini o‘rganish yuzasidan deputatlik guruhi rahbarining axboroti muhokama qilindi.

🔹 Yig‘ilishda doimiy komissiya a’zolari, tuman Kengashi deputatlari va kotibiyat xodimlari ishtirok etib, masalalar yuzasidan mas’ullar axborotlari tinglandi hamda taklif va mulohazalar bildirildi.

🔹 Xususan, deputatlar O. Dadajonova, F. Omonova, D. Karimov, A. Xamdamov, F. Abdusalomovlar o‘tkazilgan manzilli o‘rganishlar asosida shakllantirilgan dastlabki ro‘yxatni qo‘llab-quvvatladilar.

🔹 Shuningdek, kotibiyat mudiri Sh. Raximov elektr ta’minoti bo‘yicha ajratilayotgan mablag‘larning manzilli va samarali sarflanishi, shuningdek fuqarolar murojaatlari asosida yuborilayotgan deputatlik so‘rovlariga alohida e’tibor qaratish zarurligini ta’kidladi.

🔹 Yig‘ilish yakunida muhokama qilingan masalalar yuzasidan tegishli qarorlar qabul qilindi.