“Deputat sport maktabi faoliyatini o‘rgandi”

Joriy yilning 7-aprel kuni O‘zbekiston Respublikasi Prezidenti rahbarligida bo‘lib o‘tgan videoselektor yig‘ilishida, mamlakatimizda aholi va ayniqsa yoshlarning sport bilan shug‘ullanishi uchun yaratilgan sharoitlar, sport - inson salomatligi va yuqori natijalar garovi bo‘lishi to‘g‘risida bildirilgan tahliliy fikrlari, bu yo‘nalishda amalga oshiriladigan ishlarni jadallashtirish borasida bergan topshiriqlari ijrosini ta’minlash, nazorat tadbirlarini olib borish maqsadida, Xalq deputatlari Mirobod tumani Kengashi raisi X.Qayumov tumandagi 2-sonli sport maktabida bo‘lib, yoshlar uchun maktabida yaratilgan shart – sharoitlar, 2026-yildagi rejalar bilan tanishdi.  

Sport maktabining yutuqlari bilan birgalikda inson salomatligi va yosh sportchilar uchun xizmat qiladigan sport maydonlari, yugurish yo‘lakchalari, sport zali hamda sog‘lomlashtirish maydonchalarining ahvolini o‘rgandi. 

Sportning maktabdagi mavjud seksiyalarida faoliyat olib borayotgan pedagog-trenerlar bilan suhbatlashdi.

Keksalar, xotin-qizlar va yoshlar o‘rtasida ommaviy sport musobaqalarini o‘tkazish yuzasidan tavsiyalar berdi.

Sport maktabining faoliyatini o‘rganish tadbiri ochiq va konstruktiv ruhda o‘tdi.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash

Facebook tarmog‘ida: https://www.facebook.com/share/p/1CMZpdqxre/