Ushbu loyihalar aholiga sifatli aloqa va internet xizmatlarini taqdim etish, hududning raqamli infratuzilmasini rivojlantirishga xizmat qilmoqda. Shuningdek, tuman Kengashi deputati Allayorov Sobirjon Baxtiyorovich “Yoshlik” mahallasida bo‘lib, hududdagi ichki ko‘cha yo‘llarining holati, ularning ta’mirtalab qismlari, shuningdek, ko‘chalarning tungi yoritilishi darajasini o‘rgandi.

O‘rganish davomida yo‘l-transport hodisalarining oldini olish, harakat xavfsizligini ta’minlash hamda aholiga qulay shart-sharoitlar yaratish borasida amalga oshirilayotgan ishlar tahlil qilindi. Ayrim kamchiliklar aniqlanib, ularni bartaraf etish yuzasidan tegishli taklif va tavsiyalar berildi.

O‘rganish yakunlariga ko‘ra, aniqlangan muammolarni hal etish hamda infratuzilmani yanada yaxshilash maqsadida mas’ul korxona va tashkilotlar rahbarlari nomiga deputat so‘rovi yuborishga kelishib olindi.