Ko’p qavatli uylarda istiqomat qiluvchi fuqarolarning turmush sharoitlari, ular uchun yaratilgan infratuzilma imkoniyatlari hamda mavjud muammo va takliflarni o’rganish maqsadida 1-S.Ayniy saylov okrugi deputati, Romitan tuman hokimi U.Barnoyev joyiga chiqqan holda suhbat o’tkazdi.

Uchrashuv davomida fuqarolar bilan ochiq muloqot tashkil etilib, uy-joy atrofidagi obodonlashtirish ishlari, ichki yo’llar holati, chiqindilarni olib chiqish tizimi, yoritish vositalari hamda kommunal xizmatlar sifatiga oid masalalar muhokama qilindi. Aholi tomonidan bildirilgan taklif va murojaatlar tinglanib, ularni hal etish yuzasidan tegishli mutasaddi tashkilotlarga aniq tavsiyalar berildi.

Deputat tomonidan har bir murojaat e’tiborsiz qolmasligi, fuqarolarning muammolarini tizimli ravishda o’rganish va bosqichma-bosqich hal etish ustuvor vazifa ekanligi ta’kidlandi. Shu bilan birga, aholi bilan doimiy muloqotni yo’lga qo’yish, mahalladagi muhitni yanada obod va qulay qilish bo’yicha amaliy ishlar davom ettirilishi qayd etildi.