Xalq deputatlari Boyovut tumani Kengashi deputati J.Allayarova hamda Xalq deputatlari Sirdaryo viloyati Kengashi deputati N.Sultonova fuqarolar murojaati yuzasidan Ziyokor mahallasida mahalla ko‘cha boshilari ishtirokida o‘rganish olib bordi.

O‘rganish davomida fuqarolar tomonidan maishiy chiqindilarni o‘z vaqtida olib chiqib ketilmayotgani masalasi ko‘tarildi. Aniqlanishicha, mazkur hududda maishiy chiqindilarni olib chiqish xizmati Yangiyer shahri hududida faoliyat yurituvchi xizmat ko‘rsatuvchi tashkilot tomonidan amalga oshiriladi.

Mazkur muammoni bartaraf etish maqsadida Xalq deputatlari Sirdaryo viloyati Kengashi deputati N.Sultonova tomonidan Sirdaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi bilan hamkorlikda masalani ijobiy hal etish yuzasidan amaliy choralar ko‘rilishi ma'lum qilindi.