Mazkur yo‘nalishda Xalq deputatlari Yunusobod tuman Kengashi deputati Y. Ibragimov tomonidan o‘z saylov okrugidagi yoshlarni sportga jalb etish, ularning bo‘sh vaqtini mazmunli tashkil etish hamda jismoniy salomatligini mustahkamlash borasida amaliy ishlar olib borilmoqda.

Deputat tashabbusi bilan yoshlar o‘rtasida sportning turli yo‘nalishlariga qiziqishni oshirish, ularni musobaqalarda faol ishtirok etishga undash hamda sog‘lom turmush tarzini targ‘ib qilishga alohida e’tibor qaratilmoqda.

Shuningdek, yoshlar ishtirokida futbol jamoasi shakllantirilib, bugungi kunda ushbu jamoa nufuzli musobaqalarda faol qatnashib, yaxshi natijalarga erishmoqda.

Bunday tashabbuslar yoshlarning iqtidorini yuzaga chiqarish, ularni sog‘lom va faol hayot tarziga yo‘naltirish hamda mahallalarda sport muhitini yanada rivojlantirishga xizmat qiladi.

Bizni kuzatishda davom eting!