🏛 BAXMALDA BUDJET MABLAG‘LARI MUHOKAMA QILINDI
Xalq deputatlari Baxmal tumani Kengashining doimiy komissiya yig‘ilishi bo‘lib o‘tdi. Unda tuman budjetining 2026-yil 1-chorak yakuni bo‘yicha prognozdan oshirib bajarilgan mablag‘larini yo‘naltirish masalasi muhokama qilindi.
Yig‘ilishda tuman iqtisodiyot va moliya bo‘limi boshlig‘ining birinchi o‘rinbosari hisobot berdi. Ushbu masala bo'yicha Kengash huzuridagi Ekspert guruhi a'zolari ishtirokida o‘tgan muhokamalarda mahalliy budjet mablag‘laridan maqsadli foydalanish bo‘yicha aniq takliflar ishlab chiqildi.
Yakunda tegishli qaror qabul qilinib, masala tuman Kengashi sessiyasi kun tartibiga kiritiladigan bo‘ldi.