Xalq deputatlari Bag‘dod tumani Kengashi deputati D.Karimova tomonidan tuman Tibbiyot birlashmasi boshlig‘i S.Ismoilovga deputat so‘rovi yuborildi.

Mazkur deputat so‘rovi O‘zbekiston Respublikasi Vazirlar Mahkamasining 2024-yil 25-iyundagi 354-sonli qarori ijrosini ta’minlash masalasiga qaratilgan.

Jumladan, shoshilinch qabul bo‘limi mavjud shifoxonalarda tazyiq va zo‘ravonlikka uchragan xotin-qizlar hamda ularning voyaga yetmagan farzandlariga birlamchi yordam ko‘rsatish uchun birlamchi ko‘mak xonalarini tashkil etish, ularni zarur jihozlar bilan ta’minlash va tun-u kun faoliyatini yo‘lga qo‘yish masalalari ko‘tarilgan.

Deputat so‘rovida tumandagi shifoxonalarda mazkur xonalarni tashkil etish bo‘yicha hozirgi kunda amalga oshirilayotgan ishlar, mavjud muammolar, ularni bartaraf etish yuzasidan belgilangan aniq vazifalar va muddatlar haqida asoslantirilgan tushuntirish hamda yozma ma’lumot taqdim etish so‘ralgan.

Mazkur masala deputat nazoratiga olindi.