Xalq deputatlari Toshloq tuman Kengashi raisi T. Soliyev va tuman Kengashi kotibiyati bosh mutaxassisi Sh.Xo‘jamberdiyev tomonidan “Do‘stlik” mahalla fuqarolar yig‘inida o‘tkazilgan o‘rganishlar davomida 24 ta muhim tavsiya asosida hokim yordamchisi va ijtimoiy xodim faoliyati o‘rganildi.

O‘rganish davomida hududdagi mavjud muammolar, aholi murojaatlari, ijtimoiy himoyaga muhtoj oilalar bilan ishlash, kambag‘allikni qisqartirish, aholi bandligini ta’minlash hamda ularning daromadlarini oshirish borasida amalga oshirilayotgan ishlar tahlil qilindi.

Jumladan, mahalla fuqarolar yig‘inida jami 55 ta kambag‘al oila mavjud bo‘lib, shundan 21 tasi davlat ta’minotidagi, 27 tasi tegishli reestrga kiritilgan hamda 7 tasi kambag‘allik chegarasidagi oilalar hisoblanadi.

O‘rganish jarayonida mazkur toifadagi oilalarning turmush sharoitini yaxshilash, bandligini ta’minlash va doimiy daromad manbaini yaratish maqsadida amalga oshirilgan ishlar ham ko‘rib chiqildi.

Mazkur yo‘nalishdagi ishlarni yanada takomillashtirish, ehtiyojmand oilalar bilan manzilli ishlash, ularning bandligini ta’minlash hamda doimiy daromad manbalarini yaratishga qaratilgan chora-tadbirlarni izchil davom ettirish bo‘yicha tegishli tavsiyalar berildi.